3HK SoSIM 新Plan 每日只需$1.5！ 無限數據任睇Netflix 爽到爆 - ePrice.HK

話說最近借咗部 iPad mini 畀我老媽子用，借得畀佢用，有幾何真係諗住「隨時做嘢」用？到最後唯一用途，就係睇片。家母睇得多係乜？Netflix 同 myTV SUPER，本身佢問有無儲值卡又平又抵玩，可以睇片用，我叫咗佢用 SoSIM，要求唔高 $33 睇片唔過份。但 50GB 60GB 老實講，要睇片都一樣好快用完。估唔到用咗唔夠一個月，SoSIM 最近推出咗新 Plan，平均每日低至 $1.5，就可以無限數據任睇 Netflix、myTV SUPER 等影視平台！想知詳情，睇下文啦！

3HK 旗下 SoSIM 儲值卡最近推出咗兩個新 Plan，一個係 $50 Plan，另一個係 $139 Plan，前者有效期為 30 日，享 60GB 本地數據，其後 128Kbps 繼續無限任用；而後者有效期則為 90 日，享 120GB 本地數據，其後都一樣有 128Kbps 無限任用。而呢兩個 Plan 最大嘅特點，係佢哋仲包無限影視，即係有得無限數據任睇四個影視平台，包括 Netflix、HMVOD、myTV Super 以及 Apple TV，兼且都會送 $20 百佳電子優惠券。講清楚啲，呢兩個 Plan 並唔係包佢哋會籍，而係本身你已經用緊佢哋會籍，可以有得畀你無限數據任睇咁解。

咁問題又嚟，我借畀我老媽子部 iPad mini 係 WiFi 版，如果我將呢張 SoSIM 插入一部手機度，然後 share WiFi 畀部 iPad 睇 Netflix 用，又得唔得呢？咁版主就向相關人士了解過，就話係無問題，係有一點需要注意，就係使用 VPN 或者會引致未能享用無限數據，所以如果買呢張 SoSIM 用嚟睇片，就最好唔好用 VPN 了。

Adblock test (Why?)

3HK SoSIM 新Plan 每日只需$1.5！ 無限數據任睇Netflix 爽到爆 - ePrice.HK
Read More